«Sənin səsin-sənin gələcəyin» devizi altında rayon toplantısı keçirilmişdir.
«Azərbaycan Gəncliyi 2017-2021-ci illərdə» Dövlət Proqramının tədbirlər planının 5.7.3 yarımbəndinin icrasını təmin etmək məqsədi ilə 04 aprel 2018-ci il tarixdə 21 №li tam orta мəktəbin akt zalında 11 aprel 2018-ci il tarixdə keçiriləcək Azərbaycan Respublikası Prezidenti seçkilərində ilk dəfə səs verən gənc seçicilərin iştiraki ilə «Sənin səsin-sənin gələcəyin» devizi altında rayon toplantısı keçirilmişdir. Toplantının keçirilməsində məqsəd gənclər arasında seçki prosesinin və seçkilərdə iştirakın təbliği, ilk dəfə səs verən gənc seçicilər arasında maarifləndirmə işinin təşkili, həmçinin gənclərin seçkilərdə fəallığının təmin edilməsindən ibarət olmuşdur.
Toplantını giriş sözü ilə Yasamal rayon Gənclər və İdman İdarəsinin rəisi İlham Səfərov аçmışdır. Daha sonra çıxış üçün söz Azərbaycan Respublikası Prezidenti Administrasiyasının Gənclər siyasəti və idman məsələləri şöbəsinin məsul əməkdaşı Kənan Firdovsioğluna, Bakı şəhər Gənclər və İdman Baş İdarəsinin rəisi Raqif Abbasova, 17 saylı Yasamal 3-cü Dairə Seçki Komissiyasının sədri Qədir Kərimova verilmişdir. Çıxışlar bitdikdən sonra toplantı iştirakçılarını maraqlandıran çoxsaylı suallar cavablandırılmışdır. Sonda zalda təşkil edilmiş seçki məntəqəsində səsvermə günü proseduru məntəqə üzvləri tərəfindən əyani şəkildə nümayiş etdirilmişdir.
Toplantıda 11 aprel 2018-ci il tarixdə 18 yaşı tamam olacaq Məmmədzadə Maya Qoşqar qızına və Məmmədzadə Şəmsiyyə Qoşqar qızına xatirə hədiyyələri təqdim edilmişdir.
Toplantıya ilk dəfə səs verəcək 145 nəfər gənc qatılmışdır.