Məktəblilər üçün Milli Məclisə ekskursiya təşkil olundu
Azərbaycan Xalq Cümhuriyyətinin 100 illik yubileyi ilə əlaqədar olaraq Bakı şəhər Gənclər və İdman Baş İdarəsi (BŞGİBİ) tərəfindən 20 nomrəli məktəb-liseyin bir qrup şagirdi, müəllimi və valideynlərinin iştirakı ilə Milli Məclisə ekskursiya təşkil edilmişdir.
Tədbirin məqsədi şagirdləri Azərbaycan Milli Məclisinin və deputatların fəaliyyəti ilə yaxından tanış etmək, onların maarifləndirilməsinə töhfə verməkdir.
Məktəblilər Heydər Əliyev xatirə zalı, Plenar iclas zalı və digər görüş zalları ilə tanış olublar. Beynəlxalq münasibətlər şöbəsinin Protokol sektorunun müdiri İlkin Məmmədov Milli Məclisin fəaliyyəti ilə bağlı şagirdlərə geniş məlumat verərək onların suallarını cavablandırıb.