“Arzularımızın rəngi” adlı sərgi-şou proqramı keçirilib.
Dekabrın 23-də Xətai rayonunda yerləşən “Blue Mall” Ticarət və Əyləncə Mərkəzində “Arzularımızın rəngi” adlı sərgi-şou proqramı keçirilib.
Sərgi Bakı Şəhər Gənclər və İdman İdarəsinin və “Blue Mall” Ticarət və Əyləncə Mərkəzinin birgə təşkilatçılığı ilə reallaşıb.
Sərgidə valideyn himayəsindən məhrum olmuş uşaq və yeniyetmələrin rəsm əsərləri nümayiş olunub.
Tədbirdə BŞGİİ-nin Xətai rayon sektorunun baş məsləhətçisi Dilşad Nuriyeva, Xətai Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Turan Cəfərova, gənc rəssam Səadət Abdullayeva, yeniyetmə və uşaqlar iştirak ediblər.
Sərgidə həssas təbəqələrdən olan uşaq və yeniyetmələrə, eləcə də rəssamlıq sənətinin incəliklərinə xüsusi diqqət və qayğı göstərilib. Sərgi iştirakçıları BŞGİİ və “Blue Mall” tərəfindən diplom və hədiyyələrlə təltif ediliblər.
Tədbir şou proqramla davam edib.
