Kiçikyaşlı yeniyetmə cüdoçuların yarışında bütün qaliblər məlum olub
“Sərhədçi” İdman Olimpiya Kompleksində U-15 kiçik yaşlı yeniyetmələr arasında keçirilən cüdo üzrə Azərbaycan birinciliyi başa çatıb. Bakı şəhər Gənclər və İdman Baş İdarəs, iAzərbaycan Cüdo Federasiyasının birgə təşkilatçılığı ilə baş tutan yarışın qalib və mükafatçılarına medallar, diplomlar təqdim olunub. Ümumi hesabda daha çox medal qazanan UGİM-13 komandası 1-ci yeri tutub. “Neftçi” İK 2-ci, UGİM-8 isə 3-cü olub.
Qeyd edək ki, 3 gün davam edən ölkə birinciliyində 61 klubdan 518 cüdoçu (482 oğlan, 36 qız) mübarizə aparıb.