Müdafiə Nazirliyinin N saylı hərbi hissəsində əsgər və zabit heyəti ilə görüş keçirildi.

             Novruz bayramı münasibətilə Bakı şəhər Gənclər və İdman Baş İdarəsinin (BŞGİBİ) təşkilatçılığı iə  Müdafiə  Nazirliyinin  N saylı hərbi hissəsində əsgər və zabit heyəti ilə görüş keçirildi.  Tədbirdə BŞGİBİ-nin sektor müdiri Zamin Əhmədov Gənclər və İdman Nazirliyinin, Baş İdarənin rəhbərliyi adından əsgərləri Novruz bayramı münasibətilə təbrik edib, çətin və şərəfli xidmətdə onlara müvəffəqiyyətlər arzulayıb. Sonra hərbi xidmətdə fərqlənən bir qrup əsgər və zabit heyəti BŞGİBİ tərəfindən fəxri fərman və hədiyyələrlə təltif olunub.
Tədbirin sonunda hərbi hissənin rəhbərliyi çıxış edərək Bakı şəhər Gənclər və Baş İdarəsinə təşəkkürünü bildirmiş, gənclər arasında vətənpərvərlik ideyalarını təbliğinə və təşkil olunmuş tədbirə görə Baş İdarəni Fəxri Fərmanla təltif etmişdir. O, Baş İdarə tərəfindən keçirilən belə görüşlərin əsgərlər üçün mənəvi dəstək rolu oynadığını, onlarda ruh yüksəkliyi yaratdığını, əsgər və zabitlərin Ali Baş Komandanın əmr və tapşırıqlarına sözsüz hazır olduqlarını ifadə edərək düşmən üzərində qələbənin uzaqda olmadığını bildirmişdir.
Bayram şənliyi incəsənət ustalarının iştirakı ilə davam etmişdir.