Atletika üzrə Bakı şəhər zona yarışı keçirilmişdir
Məktəblər arasında atletika üzrə oğlanlar və qızlardan ibarət respublika çempionatının Bakı şəhər zona yarışı keçirilmişdir. Bakı Olimpiya Mərkəzində keçirilən oyunlarda Şuşa, Zəngilan və Bakının 12 rayonunun 14 məktəb komandaları mübarizə aparıb. Yarışların nəticəsi olaraq I yeri Nizami rayonu251 nömrəli tam orta məktəbin komandası, II yeri Nərimanov rayonu S.C. Pişəvəri adına Humanitar Fənlər Gimnaziyasının komandası, III yeri Xətai rayonu 269 nömrəli tam orta məktəbin komandası tutub.
Çempionatın əsasnaməsinə uyğun olaraq zona yarışlarında I və II yeri tutan komandalar final mərhələsinə vəsiqə qazanıb. Qalib komandalara müvafiq dərəcəli diplomlar təqdim olunub.