Futbol üzrə Super Kubok oyunu keçirilmişdir
Futbol üzrə Bakı şəhər kənd və qəsəbələri arasında payız- yaz birinciliyi başa çatmışdır. Gərgin idman mübarizəsi şəraitində keçən turnirdə I yeri Qardaşlar komandası, II yeri Müşfiqabad komandası, III yeri Azəri komandası tutmuşdur.
Daha sonra Anatoli Banişevski turnirinin qalibi Binə komandası Bakı Kəndləri və Qəsəbələri üzrə payəz-yaz birinciliyinin qalibi Qardaşlar komandası arasında Super Kubok oyunu keçirilmişdir. Binə 5:3 hesabı ilə qələbə qazanaraq Super Kubokun qalibi olmuşdur.
Final oyunundan sonra turnirin bağlanış mərasimi keçirilmişdir. Tədbirdə Bakı şəhər Gənclər və İdman Baş İdarəsinin, AFFA-nın, Bakı Kəndlər Futbol Federasiyasının nümayəndələri iştirak etmişlər. Qalib komandalar Baş İdarə və AFFA tərəfindən müvafiq dərəcəli diplomlar, xatirə hədiyyələri və kubokla təltif olunmuşlar.