MƏKTƏBLİLƏR ARASINDA MƏHƏLLƏ FUTBOLUNA START VERİLDİ

            24 oktyabr 2019-cu il tarixdə Nəsimi rayonu 1-ci mikrorayon H.Seyidzadə 20, 22, 24, 26 və 28 nömrəli binaların əhatə etdiyi ABAD məhəllədə yerləşən futbol meydançasında məktəblilər arasında məhəllə futbolu üzrə Bakı şəhər turniri keçirilmişdir. Tədbirin rəsmi açılış mərasimində Bakı Şəhər Gənclər və İdman Baş İdarəsinin baş məsləhətçisi Salman Əbdülov, Sabunçu rayonu Gənclər və İdman İdarəsinin rəis müavini Malik Məmmədov çıxış edərək turnir iştirakçılarını salamlamış, məktəbyaşlı uşaq və yeniyetmələrin müntəzəm bədən tərbiyəsi və idmanla məşğul olmağa cəlb edilməsi, onlar arasında sağlam həyat tərzi və idman vasitəsilə sosial fəaliyyətin artırılması, məhəllə idmanı üzrə beynəlxalq idman əlaqələrinin möhkəmləndirilməsi, həmçinin iştirakçılarda vətədaşlıq və vətənpərvərlik hisslərinin aşılanmasında keçirilən idman yarışlarının mühüm rol oynadığını vurğulamışlar. 2006 – 2007-ci il təvəllüdlü oğlanlar arasında yarışda 1/2 finala Nizami rayonu 12 nömrəli tam orta məktəbin komandası ilə Qaradağ rayonu 106 nömrəli tam orta məktəbin komandası, Xətai rayonu 269 nömrəli tam orta məktəbin komandası ilə Sabunçu rayonu 311 nömrəli tam orta məktəbin komandası vəsiqə qazanmışlar.