Bələdiyyə seçkilərində iştirak edəcək ilk dəfə səs verən gənclər ilə görüş keçirilib.

           Azərbaycan Dövlət Pedaqoji Universitetində  bələdiyyə seçkilərində iştirak edəcək ilk dəfə səs verən gənclər ilə görüş keçirilib. Toplantıda 29 saylı Səbail seçki dairəsinin sədri Cahangir Məmmədov, Bakı şəhər Gənclər və İdman Baş İdarəsinin rəis müavini Aydın Yusifov, Baş İdarənin Gənclərlə iş sektorunun müdiri Zamin Əhmədov, Səbail rayon Gənclər və İdman İdarəsinin əməkdaşları iştirak etmişlər.

           Tədbirdə çıxış edənlər  ilk dəfə seçkilərdə iştirak edəcək gəncləri təbrik edib. Qeyd edilib ki, gənclərin bütün sahələrdə aktiv fəaliyyəti ilə seçilməsi, siyasi, iqtisadi, humanitar, sosial tədbirlərin həyata keçirilməsində mühüm rol oynaması onlara verilən yüksək dəyərin nümunəsidir. Hal-hazırda gənclər ölkənin ictimai-siyasi həyatında fəal rol oynayır. Qarşıdan gələn seçkilərdə cəmiyyətimiz aparıcı qüvvəsi olan gənclərinin iştirakının əhəmiyyətli olduğunu qeyd edərək hər bir kəsin seçki hüquqdan istifadə edərək öz seçimlərini etməlidir.

           Tədbir gənclərin diskussiyası ilə davam etdirilərək onları maraqlandıran suallar cavablandırılıb.