Oğlanlar və qızlar arasında şahmat üzrə turnir keçirilmişdir
“ABC” Təhsil Mərkəzində oğlanlar və qızlar arasında şahmat üzrə turnir keçirilmişdir. Turnirdə A, B, C və D qrupunda 40 nəfər şahmatçı (onlardan 8 nəfəri qızlar) İsveçrə sistemi üzrə 9 turda mübarizə aparmışdır.
A qrupunda I yeri Fikrət Orucov, II yeri Leyla Əsgərli, III yeri Əziz Baloğlanov, B qrupunda I yeri Gülay Nəsibova, II yeri Danila Pivkin, III yeri İsaq Əliyev, C qrupunda I yeri Abbas Qurbanov, II yeri Anar Hüseynzadə, III yeri Nazlı Qələndərzadə, D qrupunda I yeri Timur Zuyev, II yeri Hökumə Vəliyeva, III yeri Lamiyə Əsədova tutmuşlar.
Yarışın bağlanış mərasimində Bakı Şəhər Gənclər və İdman Baş İdarəsinin sektor müdiri, paytaxtın şahmat idman növü üzrə koordinator-kuratoru Gündüz Vəliyev qalibləri təbrik etmiş, onlara gələcək yarışlarda müvəffəqiyyətlər arzulamışdır. Yarışda I, II və III yerləri tutmuş idmançılar Bakı Şəhər Gənclər və İdman Baş İdarəsi tərəfindən müvafiq dərəcəli diplom, medal və xatirə hədiyyələri ilə təltif olunmuşlar.