Mas-reslinq üzrə Bakı şəhər kuboku keçirilmişdir

      Bakı şəhər Gənclər və İdman Baş İdarəsi tərəfindən Abşeron Olimpiya İdman Kompleksində mas-reslinq üzrə Bakı şəhər kuboku keçirilmişdir. Yarışda 14 komandanı təmsil edən  91 nəfər idmançı 6 çəki dərəcəsində mübarizə aparmışdır. Yekun nəticələrə görə 1999-2002-ci il təvəllüdlülər arasında  60 kq çəki dərəcəsində Hüseyn İsmayılov,  70 kq çəki dərəcəsində Nurlan Quluzadə, 80 kq çəki dərəcəsində Amin Məhərrəmov, 90 kq çəki dərəcəsində Kamil Nəbiyev, 105 kq çəki dərəcəsində Rəşad  Əmiraslanov , +105 kq çəki dərəcəsində Alxas Cəfərov, Hüseyn Qurbanzadə I yerlərə layiq görülmüşlər.

         Qaliblərə Baş İdarə tərəfindən müvafiq dərəcəli diplom və medallar təqdim olunmuşdur.