Su polosu üzrə Bakı birinciliyinin qalibləri müəyyənləşib
Bakı Su İdman Sarayinda su polosu üzrə Bakı şəhər birinciliyi keçirilmişdir. Birincilikdə MOİK, Akvatik-1, Akvatik-2, RYİUM-i təmsil edən komandalar iştirak etmişdir.
Dairəvi sistem üzrə keçirilən yarışın nəticələrinə əsasən, Akvatik-1 komandası birinci yeri tutmuşdur. Mərkəzi Ordu İdman Klubunun (MOİK) komandası ikinci, RYİUM komandasının vaterpolçuları isə üçüncü yerə layiq görülmüşlər.
Qalib komandalar Bakı şəhər Gənclər və İdman Baş İdarəsi tərəfindən müvafiq dərəcəli diplomlar və xatirə hədiyyələri ilə mükafatlandırılmışlar.