64 xanalı dama üzrə Bakı şəhər birinciliyi başa çatmışdır
Bakı Şəhəri üzrə Təhsil İdarəsinin 4 №-li İOEUGŞDİM-də start götürən ümidlər, kiçik kadetlər, kadetlər və gənclər arasında 64 xanalı dama üzrə Bakı şəhər birinciliyi başa çatmışdır. Yarışlar beynəlxalq dərəcəli hakim Boris Muşailovun rəhbərlik etdiyi hakimlər kollegiyası tərəfindən idarə olunmuşdur. Qızlar və oğlanlar arasında keçirilən yarışda 80 nəfər idmançı mübarizə aparmışdır. Keçirilən yarışlarda qızlar — (10 yaş arasında) I yeri Nigar Məmmədli, II yeri Fəridə Şahbazova, III yeri Narıngül Qasımova, 13 yaş arasında I yeri Ayla Abbaslı, II yeri Zeynəb Nəcəfzadə, III yeri Naibə Vəlizadə, 16 yaş arasında I yeri Aydan Əliyeva, II yeri Aysel Hüseynzadə, III yeri Aydan Rzazadə, gənclər arasında I yeri Amina Şabanova, II yeri Mədinə Hüseynova, III yeri Yalta Müşailova, oğlanlar — 10 yaş arasında I yeri Arif Mirzəyev, II yeri Rəvan Aslanov , III yeri Adil Şahbazov, 11-13 yaş arasında I yeri Asif Aşurov, II yeri Kənan Aslanov, III yeri Mehdi İsmayılov, 14-16 yaş arasında I yeri Tuncay İmanov, II yeri Hüseyn Talıbov, III yeri Elbrus Hüseynov, gənclər arasında I yeri Əli Vəzirov, II yeri Əsgər Mehdiyev və III yeri Məhəmməd Umudov tutmuşlar.
Yarışın bağlanışında Bakı Şəhər Gənclər və İdman Baş İdarəsinin sektor müdiri, paytaxtın dama idman növü üzrə koordinator-kuratoru Gündüz Vəliyev və yarışların baş hakimi, beynəlxalq dərəcəli hakim Boris Muşailov qalibləri təbrik etmiş, onlara gələcək yarışlarda müvəffəqiyyətlər arzulamışlar. Sonda qızlar və oğlanlar – ümidlər, kiçik kadetlər, kadetlər və gənclər arasında I, II və III yerləri tutmuş idmançılar Baş İdarə tərəfindən müvafiq dərəcəli diplomlar və xatirə hədiyyələri ilə təltif olunmuşlar.
