Gənclər və İdman Nazirliyinin təşəbbüsü ilə qanvermə aksiyası keçirilib

      Azərbaycan Respublikasının birinci vitse-prezidenti Mehriban Əliyevanın talassemiyadan əziyyət çəkənlər üçün zəruri qan ehtiyatının yaradılmasına dəstək çağırışına qoşularaq koronavirus pandemiyasının dünyada sürətlə yayıldığı bir vaxtda talassemiyalı xəstələrin qan çatışmazlığı ilə üzləşməməsi, həmçinin cəmiyyətin diqqətinin onlara yönəldilməsi məqsədilə bu gün Gənclər və İdman Nazirliyinin təşəbbüsü ilə qanvermə aksiyası keçirilib. Bu aksiyaya Bakı şəhər Gənclər və İdman Baş İdarəsi, rayon gənclər idman idarələri və Azərbaycan İdman Jurnalistləri Federasiyasının (AİJF) nümayəndələri də qatılıb.

       Azərbaycan Milli İdman Tibb və Reabilitasiya İnstitutunda gerçəkləşən aksiyada 150-dən çox insan iştirak edib.