” Pandemiya dövründə gencler ve idman siyasəti ” adlı vebinar keçirilecek  

       12 iyun 2020-ci il tarixdə saat 13.00-da Bakı Şəhər Gənclər və İdman Baş İdarəsinin və Nərimanov Rayon Gənclər və İdman İdarəsinin birgə təşkilatçılığı ilə “Gənclər və ünsiyyət” silsilə onlayn görüşləri çərçivəsində ” Pandemiya dövründə gənclər və idman siyasəti ” adlı vebinar keçiriləcək.
        Vebinarda Bakı Şəhər Gənclər və İdman Baş İdarəsinin rəisi Raqif Abbasovun, Nərimanov Rayon İcra Hakimiyyəti başçısının müavini İradə Mahmudovanın, Nərimanov Rayon Gənclər və İdman İdarəsinin rəisi Nəcəf Novruzovun və fəal gənclərin onlayn iştirakı nəzərdə tutulub.
       Görüşün məqsədi “Azərbaycan gəncliyi 2017-2021-ci illərdə” Dövlət Proqramının icrası, könüllülük fəaliyyətini gənclər arasında təbliğ edilməsi, müasir informasiya-kommunikasiya texnologiyalarından səmərəli istifadəsi, könüllülük hərəkatını inkişafı, gənclərin fiziki inkişaf səviyyəsinin yüksəldilməsi, onların fiziki sağlamlıqlarının möhkəmləndirilməsi, inkişaf etdirilməsi və pandemiya dövründə ev şəraitində müntəzəm idman məşğələlərinə cəlb olunması istiqamətində müzakirələrin aparılması, bədən tərbiyəsi və idmanın təbliği işlərinin daha da genişləndirilməsi gənclərin asudə vaxtının səmərəli təşkil edilməsi, onları maraqlandıran sualların cavablandırılmasıdır.