Çerlidinq üzrə onlayn açıq Bakı şəhər kuboku keçirilmişdir

     Bakı şəhər Gənclər və İdman Baş İdarəsi, Azərbaycan Çerlidinq Federasiyası və Azərbaycan Dövlət İqtisad Universitetinin birgə təşkilatçılığı ilə Azərbaycan Dövlət İqtisad Universitetinin UNEC EXTERN Mərkəzində “26 iyul Gənclər və İdman Nazirliyinin yaranma günü”nə həsr olunmuş çerlidinq üzrə onlayn açıq Bakı şəhər kuboku keçirilmişdir.
     Tədbir onlayn-distant formatda oldu. Yarışda 200-ə yaxın idmançı iştirak etmışdir. Onlar Çir pom fristayl, Majoretkalar, Rəqs pomponlarla, Baton tvitlinq,Çir caz, Çir xip xop, Akrobatik rəqs, Çir şou, Şir və Dünya xalqların rəqsləri nominasiyaları üzrə çıxışlar nümayiş etdiriblər.

   Tədbirin məqsədi gənclərin fiziki inkişaf səviyyəsinin yüksəldilməsi, onların fiziki sağlamlıqlarının möhkəmləndirilməsi, inkişaf etdirilməsi və pandemiya dövründə ev şəraitində müntəzəm idman məşğələlərinə cəlb olunmasından ibarətdir.