PES 2020 Bakı şəhər açıq onlayn birinciliyinin qalibləri mükafatlandırıldı
Bakı şəhər Gənclər və İdman Baş İdarəsi və Azərbaycan Kiber İdman Federasiyası tərəfindən keçirilən PES 2020 Bakı şəhər açıq onlayn birinciliyi sona çatıb, qaliblər müəyyən olunub.
Qaliblərin mükafatlandırılması Bakı Şəhəri Gənclər və İdman Baş İdarəsində baş tutub. Mükafatlandırma zamanı Baş İdarənin rəis müavini Rəşad Əliyev və Azərbaycan Kiber İdman Federasiyasının prezidenti Ramil Əliyev təltif ediblər. Bakı Şəhər Gənclər və İdman Baş İdarəsinin rəis müavini Rəşad Əliyev iştirakçılara və pandemiya ərəfəsində yarışın təşkil edilməsində, göstərdiyi əməyə görə Azərbaycan Kiber İdman Federasiyasına təşəkkür edərək uğurlar arzu edib.
Qeyd edək ki, birincilik Gaming League Azerbaijanın dəstəyilə PlayStation 4 platformasında onlayn formatda keçirilib. Yarışda 12 yaşdan yuxarı 70 nəfər iştirak edib. Nəticələrə əsasən, I yeri Ağakişi Mehdizadə, II yeri Firuz Buksayev, III yeri isə Ramil Nəbiyev tutmuşdur.