İlqar Mirzəyevin xatirəsinə həsr edilən turnirin qalibləri BƏLLİ OLDU

      Bu gün Bakı Şəhər Gənclər və İdman Baş İdarəsi və “İDEA” Şahmat Klubunun birgə təşkilatçılığı ilə Milli Qəhrəman şəhid polkovnik İlqar Mirzəyevin xatirəsinə həsr edilmiş onlayn şahmat turnirinin qaliblərinin mükafatlandırma mərasimi keçirilib.  Tədbirdə Bakı Şəhər Gənclər və İdman Baş İdarəsinin rəisi Raqif Abbasov çıxış edərək şəhid polkovnik İlqar Mirzəyev kimi vətənpərvər oğullarımızın xalqın yaddaşında əbədi yaşayacağını, onun kimi igidlərimizin qəhrəmanlığının gənc nəslə örnək olduğunu, illər keçsə də, gələcək nəsillər hər zaman böyük minnətdarlıq duyğusu ilə şəhidlərimizi yad edəcəklərini vurğulayıb.

    Daha sonra şəhidin qardaşı çıxış edərək şəhid İlqar Mirzəyevin şərəfli həyat yolundan, göstərdiyi şücaət və qəhrəmanlıqdan danışıb.

       Sonda qaliblər karantin rejiminin qaydalarına riayət olunmaqla mükafatlandırılıb.

      Şahmat turnirində ümumi hesabla Allahverdi Həmidov, Fatimə Abdullayeva birinci yeri, Paşam Əlizadə, Ayan Hüseyinli 2-ci yeri, Yusif Mustafazadə, Xanım İsmayılova isə 3-cü yeri tutub.