Şəhid Xalid Əzizzadənin xatirəsinə həsr olunmuş mini-futbol üzrə Bakı şəhər  turnirı  keçirilmişdir

           Bakı Şəhər Gənclər və İdman Baş İdarəsi və Bakı Kənd Futbol Federasiyası tərəfindən Xətai rayonunda yerləşən “AzFar” stadionunda  Aprel döyüşləri şəhidi Xalid Əzizzadənin xatirəsinə həsr olunmuş açıq havada Bakı kənd və qəsəbələrinin komandaları arasında  mini-futbol üzrə Bakı şəhər  turnirı  keçirilmişdir. 

             Turnirdə  Bakı şəhərinin kənd və qəsəbələrini təmsil edən 8 komanda (96 nəfər) iştirak etmişdir. Nəticələrə əsasən III yeri “Balaxanı” komandası tutmuşdur. Final oyununda “Mübariz” komandası “Spartak” komandasını məğlub edərək turnirin qalibi olmuşdur.

              Qalib və mükafatçı komandalara  Baş İdarə tərəfindən diplom, medal və kubok təqdim edilmişdir.