“12 noyabr – Konstitusiya günü”nə həsr olunmuş mini-futbol turniri keçirilmişdir.
7-8 noyabr 2012 ci il tarixdə Çobanzadə küç. 2992-ci məhəllədə yerləşən mini –futbol meydançasında Nizami rayonu məktəbliləri arasında “12 noyabr – Konstitusiya günü”nə həsr olunmuş mini-futbol turniri keçirilmişdir. Turnirdə 16 komanda iştirak etmişdir. Turnir AFFA-nın hakimlər kollegiyası tərəfindən idarə olunmuşdur. Gərgin oyun şəraitində keçən görüşün yekunlarına əsasən 145 saylı məktəbin komandası 1-ci yerə, 201 saylı məktəbin komandası 2-ci yerə, 238 saylı məktəbin komandası isə 3-cü yerə layiq görülmüşdür.Turnirin bağlanış mərasimində Bakı ş. GİBİ-nin rəis müavini Aydın Yusifov Nizami rayonu Icra Hakimiyyətinin ictimai təşkilatlar, təhsil və səhiyyə şöbəsinin müdiri Əli Axundov, Əməkdar Məşqçi İslam Kərimov iştirak etmişlər. Natiqlər öz çıxışlarında futbolun inkişafında xüsusilə uşaqlar arasında keçirilən məhələlərarası mini-futbol turnirinin böyük rol oynadığını, respublika prezidentinin müvafiq sərəncamı ilə təsdiq olunmuş “Azərbaycan Respublikasında 2005-2015-ci illərdə Futbolun İnkişafına dair Dövlət Proqramı”nın bu tipli tədbirlərin keçirilməsi ilə yüksək səviyyədə icra olunduğunu bildirmişlər.
Tədbirin sonunda qalib komandaların üzvləri Baş İdarə və Nizami rayon Gənclər və İdman İdarəsi tərəfindən müvafiq dərəcəli diplomlarla, idman geyimləri və kubokla təltif olunmuşlar.
