Xəzər rayonunda yüzlərlə sakinə tibbi qoruyucu maskalar paylandı

           Koronavirus pandemiyasının yayılmasının qarşısının alınması istiqamətində Bakı şəhər Gənclər və İdman Baş İdarəsi tərəfindən tədbirlər davam etdirilir. Aparılan genişmiqyaslı mübarizə tədbirlərinə dəstək verilməsi və sosial həmrəylik nümayiş etdirilməsi məqsədilə Baş İdarə və Xəzər rayon Gənclər və İdman İdarəsinin təşkilatçılığı ilə Xəzər rayonu ərazisindəki parklarda, vətəndaşların kütləvi toplaşdığı yerlərdə koronavirus (COVID-19) pandemiyası dövründəki davranış qaydaları barədə ictimai maarifləndirmə işləri apararaq sakinlərə tibbi qoruyucu maskalar paylanmışdır.

      Həmçinin, vətəndaşlara tibbi maskadan istifadə etmək, sosial izolyasiya qaydalarına riayət etmək, insanlarla təmas zamanı iki metrlik ara məsafəsini saxlamaq tövsiyyə olunmuş, bukletlər təqdim olunmuşdur.