Braziliya ciu-citsusu üzrə Bakı birinciliyi keçirilib

                Hövsan Olimpiya İdman Kompleksində Braziliya ciu-citsusu üzrə Bakı birinciliyi  keçirilib. Yarış Bakı şəhər Gənclər və İdman Baş İdarəsi və  Azərbaycan Ciu-Citsu Federasiyasının Braziliya Ciu-Citsu departamentinin təşkilatçılığı ilə baş tutub. 

                 Yarış müxtəlif yaş qrupları, çəki dərəcələri və kəmər sahibləri uşaqlar və yeniyetmələr  arasında olub. Turnirdə  200-ə yaxın idmançı mübarizə aparıb. Bakı birinciliyinin açılış mərasimində Azərbaycan Ciu-Citsu Federasiyasının Prezidenti Mirəli Seyidov,  Bakı Şəhər Gənclər və İdman Baş İdarəsinin nümayəndəsi Cəlil Əlizadə, federasiyanın vitse – prezident Seymur Səfərov, Braziliya Ciu-Citsu Departamentinin rəhbəri Azər Beydullayev çıxış edərək idmançıları salamlayıb onlara uğurlar arzulayıblar.

              Birincilikdə  idmançılar Braziliya ciu-citsu idman növünün Gİ və No-Gi versiyası üzrə mübarizə aparıblar. Yarışın qalibləri Bakı şəhər Gənclər və İdman Baş İdarəsinin diplomları və medalları ilə təltif olunublar.