Hərbi hissədə Azərbaycan Gəncləri Günü qeyd edildi

“2 Fevral – Azərbaycan Gəncləri Günü”nün 25 illiyi münasibətilə “Gənclər Həftəsi” çərçivəsində Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə Sanqaçal qəsəbəsində yerləşən “N” saylı hərbi hissədə əsgər və zabitlərlə görüş keçirilib.

Əsgərlər və zabitlərlə görüşdə çıxış edənlər tədbirin əsas məqsədinin  şəxsi heyətə xoş ovqat bəxş etmək, yeniyetmə və gəncləri hərbi xidmətə həvəsləndirmək, onlarda milli vətənpərvərlik ruhunu yüksəltməkdən ibarət olduğunu bildiriblər.

Sonra hərbi xidmətdə fərqlənmiş bir qrup əsgər və zabit Bakı Şəhər Gənclər və İdman Baş İdarəsi tərəfindən fəxri fərman və hədiyyələrlə təltif olunublar.

Sonda Qaradağ rayon Mədəniyyət evinin kollektivinin konserti olub.