![](https://dysbaku.az/wp-content/uploads/b451de5c-29e5-4dee-b471-afdce5d0e7e3.jpg)
Badminton üzrə Bakı birinciliyinin qalibləri müəyyənləşib
Bakı şəhər Gənclər və İdman Baş İdarəsi tərəfindən 1 saylı İdman Liseyində 2008-2009 – cu il təvəllüdlü idmançılar (oğlanlar və qızlar) arasında badminton üzrə Bakı şəhər birinciliyi keçirilmişdir. Ümumilikdə 76 badmintonçunun mübarizə apardığı turnir şəxsi, qoşa və qarışıq kateqoriyalar üzrə keçirilmişdir.
Yarışın qaliblərinə Baş İdarə tərəfindən diplom və medallar təqdim olunmuşdur. Nəticələrə görə qızlar arasında I yerə Əminə İsmayılova, II yerə Nərmin Hüseynova, III yerə Fatimə Həsənzadə, oğlanlar arasında isə I yerə Emil Akçurin, II yerə Murad İbrahimli, III yerə Əmirxan İmanov Fuad layiq görülmüşlər.