“Xəmsə” Milli İntelektual oyunu üzrə yeniyetmələr arasında ikinci Azərbaycan çempionatının Bakı şəhəri üzrə zona mərhələsi keçirilmişdir.
Bakı şəhər Gənclər və İdman Baş İdarəsi tərəfindən 276 saylı orta məktəbdə “Xəmsə” Milli İntelektual oyunu üzrə yeniyetmələr arasında ikinci Azərbaycan çempionatının Bakı şəhəri üzrə zona mərhələsi keçirilmişdir. Zona mərhələsində Bakı şəhərinin 11 rayonunun hər birindən 1 komanda, Abşeron rayonundan 2 komanda, Sumqayıt şəhərindən 3 komanda iştirak etmişdirlər.
Nəticələrə görə I yerə – Yasamal-Xəzər, II yerə – Xətai-Proqress, III yerə – Nəsimi-Gələcək Zəkalar, IV yerə – Qaradağ-Zəkalar komandaları layıq görülmüşlər. İLk dörd yeri tutmuş komandalar “Xəmsə” Milli İntelektual oyunu üzrə yeniyetmələr arasında ikinci Azərbaycan çempionatında iştirak etmək hüququ qazanmışlar.
Tədbirin keçirilməsində məqsəd yeniyetmələrin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, eləcə də asudə vaxtlarının səmərəli təşkili istiqamətində yeni üsullar tətbiq etməkdən ibarətdir.
