“İşğaldan azad olunan torpaqlarımıza bahar gəlir” adlı rəsm müsabiqəsi keçiriləcək

         Bakı şəhər Gənclər və İdman Baş İdarəsi və Sabunçu rayon Gənclər və İdman İdarəsinin təşkilatçılığı ilə martın 17-də Bilgəh qəsəbəsindəki 11 saylı inteqrasiya təlimli internat məktəbində “İşğaldan azad olunan torpaqlarımıza bahar gəlir” adlı rəsm müsabiqəsi keçiriləcəkdir.

         Müsabiqənin məqsədi torpaqlarımızın göz oxşayan füsunkar təbiətini, işğal və inkişaf dövrünü uşaq və gənclərin yaddaşına həkk etmək, milli mədəniyyəti və incəsənəti təbliğ etməkdir. Eyni zamanda, xüsusi istedada malik uşaq və gənclərin yaradıcılıq potensialını inkişaf etdirmək və yeni istedadları üzə çıxarmaqdan ibarətdir.

         Rəsm müsabiqəsinin iştirakşıları Baş İdarə tərəfindən diplom və xatirə hədiyyələri ilə mükafatlandırılacaqlar.