Müəllimlər arasında voleybol üzrə turnir keçirildi

Bakı şəhər Gənclər və İdman Baş İdarəsinin təşkilatçılığı ilə Novruz bayramına həsr edilmiş orta ümumtəhsil müəssisələrinin müəllimləri arasında Sabunçu rayonunda yerləşən 71 nömrəli tam orta məktəbdə  voleybol üzrə turnir keçirilmişdir. Turnirdə 110 müəllim iştirak etmişdir.

11 komandanın iştirak etdiyi turnirdə I yeri 90 nömrəli tam orta məktəb, II yeri 311 nömrəli tam orta məktəb, III yeri isə 71 nömrəli tam orta məktəbın komandası tutmuşdur.

Qalib komandalar Baş İdarə tərəfindən diplom və hədiiyələrlə mükafatlandırılıb.