Bakı Dövlət Cıdır Meydanında konkur yarışı keçirilib

Bakı Şəhər Gənclər və İdman Baş İdarəsi tərəfindən Bakı Dövlət Cıdır Meydanında atçılıq idmanı (maneələri dəfetmə) üzrə Bakı şəhər birinciliyi keçirilmişdir. 80 – 90  sm hündürlükdə maneələri dəfetmə üzrə yarışda I yeri Maraqlı ləqəbli atla Kənan Əhmədov, II yeri Sina ləqəbli  atla Mədinə Əliyeva, III yeri Light Limerick ləqəbli atla Murad Əlizadə, 100 – 120 sm hündürlükdə maneələri dəfetmə üzrə yarışda I yeri Light Limerick ləqəbli atla Murad Əlizadə, II yeri Sina ləqəbli atla Mədinə Əliyeva və III yeri Tibet ləqəbli atla Leyla Mirzəyeva tutmuşlar.

Yarışda Bakı şəhər Gənclər və İdman Baş İdarəsinin rəisi Raqif Abbasov və RAMBİOEUGİM-nin direktoru Kərim Zamanov idmançıları salamlayaraq  onlara gələcək yarışlarda müvəffəqiyyətlər arzulamışlar.

Qaliblər Bakı Şəhər Gənclər və İdman Baş İdarəsi tərəfindən müvafiq dərəcəli diplomlar və medallarla təltif edilmişlər.