“Dünya üzrə mini-futbol çempionatında iştirak etmək hüququ qazanmağımız böyük uğurdur” – İDARƏ RƏİSİ AÇIQLADI

“Minifutbol idman növü komanda idman növüdür. Azərbaycanda nisbətən yeni idman növü olmasına baxmayaraq, bu sahədə böyük uğurlar qazanılıb”. Bu sözləri SİA-ya açıqlamasında Bakı Şəhər Gənclər və İdman Baş İdarəsinin rəisi Raqif Abbasov deyib.

Onun sözlərinə görə, cənab Prezident İlham Əliyevin minifutbol komandasını qəbul etməsi dövlətin idman siyasətinin əyani göstəricisidir: “Dövlət başçısının minifutbol komandasını qəbul edən zaman vurğuladığı kimi müstəqilliyi yenidən əldə etdikdən sonra komanda idman növündə ilk böyük uğurdur. Baxmayaraq ki, şahmat idman növündə komanda hesabında qalibiyyət olmuşdu. Bildiyimiz kimi bu idman növündə fərdi qaydada oynayırlar və fərdi komandanın tərkibində idi. Amma komanda idman növünün uğuru böyük bir inkişafın göstəricisidir. Cənab Prezident görüş zamanı vurğuladı ki, məhz bu komanda idman növündəki qalibiyyət qitə çempionu olması digər komanda növlərimizin inkişafına müsbət təkan verəcək. Əlbəttə ki, cənab Prezident görüş zamanı vurğuladı ki, milli mütəxəssisin məhz yığmanın baş məşqçisi kimi fəaliyyəti milli idmançılarımızın Azərbaycanda böyüyüb başa çatmış idmançıların komanda idman növündə nəticə əldə etməsi bu sevinci, uğuru iki qat edir. Hər bir idman növündə olduğu kimi minifutbol komandasına da dövlət dəstəyinin müqabilində dəstəyin ayrılması bu idman növünün gələcəkdə Azərbaycanda daha böyük kütləni öz ətrafında birləşdirilməsinə təkan verəcək. Bildiyimiz kimi Avropa Çempionatında ilk səkkizliyə düşən komanda Dünya Minifutbol Çempionatında iştirak etmək hüququnu qazanır. Bu çox böyük bir uğurdur. Bütün idman ictimaiyyətini bu münasibətlə təbrik edirəm”.

Arzu Qurbanlı