26 iyun Silahlı Qüvvələrin yaranması gününə həsr olunan su polosu üzrə Bakı şəhər turniri keçirilib

Bakı şəhər Gənclər və İdman Baş İdarəsi və Azərbaycan Üzgüçülük Federasiyasının birgə təşkilatşılığı ilə 26 iyun Silahlı Qüvvələrin yaranması gününə həsr olunan su polosu üzrə Bakı çempionatı təşkil edib. Yarışda 6 komandamübarizə aparıb.

Su polosu idman növü üzrə milli komandanın baş məşqçisi Azər Babayev açıqlamasında bildirib ki, yarışın keçirilməsində məqsəd 2006-2007-ci il təvəllüdlü idmançılardan ibarət yığmamızın avqust ayında dünya çempionatına qatılacaq heyətini müəyyən etməsi olub.

      “Turnir çox maraqlı və gərgin keçdi. Yarışda Su İdman Sarayının iki komandası, MOİK, Gənclər və İdman Nazirliyinin Olimpiya Ehtiyatları Məktənin komandaları iştirak edib. Bundan əvvəl 15 iyunda keçirilən turnirdə məşqçilər heyəti Yunanıstanda keçiriləcək su polosu üzrə dünya çempionatına yollanacaq heyəti müəyyən etmək üçün idmançıları nəzərdən keçirdi. Artıq heyət demək olar ki, formalaşdırılıb”.

Turnirin sonunda idmancılar medallar və diplomlarla təltif olunublar.