Konkur yarışının qalibləri müəyyənləşib
Bakı Şəhər Gənclər və İdman Baş İdarəsi tərəfindən Bakı Dövlət Cıdır Meydanında atçılıq idmanı (maneələri dəfetmə) üzrə Bakı şəhər çempionatı keçirilmişdir. 60 – 80 sm hündürlükdə maneələri dəfetmə üzrə yarışda I yeri Light Limerick ləqəbli atla Murad Əlizadə, II yeri Şahzadə ləqəbli atla Məhəmməd İmanov, III yeri Tibet ləqəbli atla Leyla Mirzəyeva, 120– 140 sm hündürlükdə maneələri dəfetmə üzrə yarışda I yeri Cerry Sanders ləqəbli atla Rüstəm Hümbətov, II yeri Tibet ləqəbli atla Leyla Mirzəyeva və III yeri Maraqlı ləqəbli atla Mədinə Əliyeva tutmuşlar.
Yarışda Bakı şəhər Gənclər və İdman Baş İdarəsinin rəisi Raqif Abbasov və RAMBİOEUGİM-nin direktoru Kərim Zamanov idmançıları salamlayaraq onlara gələcək yarışlarda müvəffəqiyyətlər arzulamışlar.
Qaliblər Bakı Şəhər Gənclər və İdman Baş İdarəsi tərəfindən müvafiq dərəcəli diplomlar və medallarla təltif edilmişlər.
