“1 dekabr-Ümumdünya QİÇS-lə Mübarizə günü” münasibəti ilə tədbir keçirilmişdir.
Bakı şəhər Gənclər və İdman Baş İdarəsi tərəfindən Park Bulvarda “1 dekabr-Ümumdünya QİÇS-lə Mübarizə günü” münasibəti ilə yeniyetmələr və gənclər arasında rəsm müsabiqəsi keçirilmiş və AİDS və HİV- lə bağlı broşuralar paylanılmışdır. Yeniyetmə və gənclərin çəkdikləri rəsm əsərlərində QİÇS (qazanılmış immunçatışmamazlıq virusu) –in yayılması, yayılma səbəbləri və ondan qorunmaq üşün müalicə profilaktika üsullarından nece istifadə edilməsi öz əksini tapmışdır.
Tədbirin əsas məqsədi gənclərin diqqətini problemə cəlb etmək və problem ətrafında məlumat bazası yaratmaq idi.
Qeyd edək ki, Azərbaycanda “QİÇS haqqında” qüvvədə olan qanun 1996-cı ildə qəbul olunub. 2010-cu ildə isə qanun layihəsi yenidən işlənərək qanunvericilik bazası daha da genişlənib.Hazırda isə ölkədə xəstəliyin qarşısının alınması üçün zərərin azaldılması proqramı da həyata keçirilir.