“26 iyul Gənclər və İdman Nazirliyinin yaranması günü” nə həsr olunmuş yeniyetmələr arasında mini-futbol turnirinə yekun vurulub

      Bakı Şəhər Gənclər və İdman Baş İdarəsinin təşkilatçılığı ilə “26 iyul Gənclər və İdman Nazirliyinin yaranması günü” nə həsr olunmuş Bakı şəhərinin bütün rayonlarını əhatə edən 2007-2009-cu il təvəllüdlü yeniyetmələr arasında  mini futbol turnirinə yekun vurulub.

      Turnirdə ümumilikdə 132 gənc idmançının yer aldığı 12 komanda iştirak edib. Yarışlar Sabunçu rayonunun ərazisində yerləşən “Azfar” stadionunda keçirilib.

      Final oyununda Nəsimi rayonunun və Binəqədi rayonunun komandaları qarşılaşıb və oyun 5 – 1 hesabı ilə Nəsimi rayonunun komandasının qələbəsi ilə başa çatıb.

       Beləliklə, 2007-2009-cu il təvəllüdlü yeniyetmələr arasında mini futbol turnirinin qalibi Nəsimi rayonun komandası elan edilib. İkinci yerə Binəqədi rayonun və üçuncü yerə isə Suraxanı rayonun komandası layiq görülüb.

Yarışların qalibləri medal və diplomlarla mükafatlandırılıblar.