Gənclər və İdman Nazirliyinin yaranması gününə həsr olunmuş şahmat turniri keçirildi
21-27 iyul 2022-ci il tarixində Bakı şəhər Gənclər və İdman Baş İdarəsi tərəfindən 3 nömrəli Respublika İxtisaslaşdırılmış Olimpiya Ehtiyatları Uşaq Gənclər İdman Şahmat Məktəbində (RİOEUGİŞM) “26 iyul Gənclər və İdman Nazirliyinin yaranması günü” nə həsr olunmuş 12-14 yaşlı yeniyetmə oğlanlar və qızlar arasında şahmat üzrə turnir keçirilib.
Turnirdə 50 şahmatçı İsveçrə sistemi üzrə mübarizə aparıb. Yarışın yekun nəticəsinə əsasən Ağaməmməd Mirzəyev I, Məryəm Baxışova II, Şahlar Şahlarlı III yeri tutub.
Yarışın bağlanış mərasimində 3 nömrəli RİOEUGİŞM-in direktoru Cəmil Fətullayev, Bakı Şəhər Gənclər və İdman Baş İdarəsinin sektor müdiri, paytaxtın şahmat idman növü üzrə koordinator-kuratoru Gündüz Vəliyev və yarışın baş hakimi Fidan Talıbova qalibləri təbrik etmiş, onlara gələcək yarışlarda müvəffəqiyyətlər arzulamışlar.
Təltif olunma mərasimində yarışın qaliblərinə Baş İdarə tərəfindən kubok, diplom və medallar təqdim edilib.
