Futbol üzrə Banişevski turnirinə yekun vuruldu

Milli Olimpiya Komitəsi (MOK), Bakı şəhər Gənclər və İdman Baş İdarəsi (BŞGİBİ), Azərbaycan Futbol Federasiyaları Assosiasiyası (AFFA) və Bakı Kəndlər Futbol Federasiyasının (BKFF) birgə təşkilatçılığı ilə  məşhur futbolçumuz, “Şöhrət” ordenli Anatoli Banişevskinin xatirəsinə həsr olunmuş futbol turniri keçirilmişdir. Turnirdə 6 komanda (Yasamal, Səbail, Binəqədi, Abşeron, Cürət, Binə) mübarizə aparmışdır. Nəticələrə görə xal hesabı ilə III yerə   Yasamal , II yerə isə Səbail komandası sahib çıxmışlar. Turnirin qalibi bütün oyunlarda qalib gəlmiş Abşeron komandası olmuşdur.

Sonda qalib komandaya kubok, digər mükafatçılara xatirə hədiyyələri və diplomlar verilib. Təşkilatçılar tərəfindən turnirin bombardirinə və veteran oyunçusuna xatirə kubokları təqdim edilmişdir.