Kontakt karate üzrə Bakı şəhər açıq birinciliyi və çempionatı keçirilmişdir

Hövsan Olimpiya İdman Kompleksində kontakt karate üzrə Bakı şəhər açıq birinciliyi və çempionatı keçirilmişdir.  Yarışın rəsmi açılış mərasimində  Kontakt Karate Federasiyasının prezidenti Ruslan Abbasov və Bakı şəhər Gənclər və İdman Baş İdarəsinin baş məsləhətçisi Rəhman Aslanov iştirakçıları salamlamış, onlara müvəffəqiyyətlər arzulamışlar. Yarışda müxtəlif yaş qruplarında  60 çəki dərəcəsi üzrə  250-dən artıq idmançı iştirak ediblər. İdmançılar kontakt karate və kenbukay  karate versiyaları üzrə mübarizə aparıblar.

Sonda hər bir çəki dərəcəsi üzrə qalib idmançılar Baş İdarə  tərəfindən müvafiq dərəcəli diplom və medallarla təltif olunmuşlar.