Şahmat üzrə kişilər və qadınlar arasında Bakı şəhər çempionatı keçiriləcəkdir
Bakı Şəhər Gənclər və İdman Baş İdarəsi tərəfindən 21-29 noyabr 2022-ci il tarixdə Suraxanı Şahmat Məktəbində şahmat üzrə kişilər və qadınlar arasında Bakı şəhər çempionatı keçiriləcəkdir. Çempionatda 16 yaşdan yuxarı şahmatçılarla yanaşı, 2007 – 2012-ci il təvəllüdlü şahmatçılar arasında paytaxt və respublika birinciliklərinin mükafatçıları iştirak edə biləcəklər.
Baş İdarə və Azərbaycan Şahmat Federasiyasının birgə təsdiqlədiyi əsasnaməyə müvafiq olaraq, kişilər arasında ilk 5 yeri, qadınlar arasında isə ilk 3 yeri tutan şahmatçılar dekabr ayında keçiriləcək respublika çempionatının I dəstəsinə vəsiqə qazanacaqdır.
Yarışın baş hakimi Mahir Cəfərov (İA), baş katibi isə Fidan Talıbova (NA) olacaqdır.