Badminton üzrə ustad-dərsləri keçirilib

Uşaqlar arasında sağlam həyat tərzinin təbliği, onların idmana marağının artırılması, asudə vaxtlarının səmərəli təşkili üçün Bakı şəhər Gənclər və İdman Baş İdarəsi tərəfindən idman federasiyaları ilə birlikdə həyata keçirilən “İdman Həftəsi” çərçivəsində idmanın müxtəlif növləri üzrə ustad dərsləri təşkil edilir.

“İdman Həftəsi” çərçivəsində növbəti idman tədbiri “Ümid Yeri Uşaq Sığınacaq Mərkəzi”nin balaca sakinləri üçün təşkil olunmuşdur. 1 saylı İdman Liseyində təşkil olunan badminton idman növü üzrə ustad-dərsləri uşaqların böyük marağına səbəb olub.