Nərimanov rayonunda idman festivalı keçirilib

03 mart 2023-cü il tarixdə Atatürk pr. 37 ünvanında yerləşən ABAD məhəllədə Bakı Şəhər Gənclər və İdman Baş İdarəsinin və Nərimanov Rayon Gənclər və İdman İdarəsinin birgə təşkilatçılığı ilə 5 mart – Bədən Tərbiyəsi və İdman Günü münasibəti ilə keçirilən “İdman həftəsi” çərçivəsində idman festivalı keçirilib.

Festival zamanı idmançılar və Nərimanov rayonunda fəaliyyət göstərən orta ümumtəhsil məktəblərinin şagirdləri tərəfindən kapoeyra, kyokuşin karate, minifutbol, şahmat və digər idman növləri üzrə nümunəvi çıxışlar təqdim olunub, yarışlar keçirilib.

Festivalın sonunda iştirakçılar təşkilatçılar tərəfindən sertifikatlar ilə təltif olunmuşlar.