Paytaxtın “Abad məhəllə”lərində keçirilən idman yarışları davam edir
“Ümummilli Lider Heydər Əliyev İli”nə həsr olunmuş paytaxtın abad məhəllələrində məktəblilər arasında idman yarışları davam edir. Bu dəfəki yarışlar Xəzər rayonu, Binə qəsəbəsi 21, 46 saylı binaların həyətində yerləşən “Abad Məhəllə”də keçirilib.
Yarışlarda mini-futbol üzrə “Zəfər” komandası birinci olub. “Binə” komandası yarışı ikinci, “Şahin” isə üçüncü pillədə başa vurub. Turnikdə dartınma üzrə I yeri Emin Qocayev, II yeri Həsən Rəhimov, III yeri Vasif Tağıyev, şahmat üzrə isə I yeri Firuz Əkbərov, II yeri Nihat Mirzəliyev, III yeri Süleyman Abaszadə tutmuşlar.
Qaliblər Bakı Şəhər Gənclər və İdman Baş İdarəsi tərəfindən müvafiq dərəcəli diplomlarla təltif edilmişlər.
