XXIV spartakiadanın qalıbləri mükafatlandırıldı

   Xətai rayonu ərazisində yerləşən Mirvari şadlıq sarayında Bakı şəhər məktəbliləri arasında XXIV spartakiadanın bağlanışı və XXV spartakiadanın rəsmi açılışı, həmçinin idman ilinə yekun vurulması ilə bağlı geniş tədbir keçirilmişdir. Tədbirdə Xətai rayonu İcra Hakimiyyətinin Başçısı R.Məmmədov, YAP Xətai rayon təşkilatının sədri, millət vəkili H.Mirələmov, Bakı Şəhər Gənclər və İdman Baş İdarəsinin rəisi R.Abbasov, Bakı Şəhəri üzrə Təhsil İdarəsinin müdir müavini M.Bayramov, paytaxtın RGİİ-lərinin, rayonun orta ümumtəhsil məktəblərinin, idman təşkilatlarının rəhbərləri və digər rəsmi şəxslər iştirak etmişlər.

   Bakı şəhər məktəbliləri arasında XXIV spartakiadanın yekun nəticələrinə əsasən Sabunçu rayonu III yerə, Səbail rayonu II yerə, Xətai rayonu I yerə layiq görülmüşlər. Qalib rayonların Gİİ-lərinin rəhbərləri, həmçinin spartakiadanın proqramına daxıl olan idman növləri üzrə qalib komandaların məşqçi-müəllimləri müvafiq dərəcəli diplomlarla, kuboklarla və xatirə hədiyyələri ilə təltif olunmuşlar.