Atçılıq idmanı üzrə Bakı şəhər turniri keçirilmişdir

Bakı Şəhər Gənclər və İdman Baş İdarəsi tərəfindən Bakı Dövlət Cıdır Meydanında “Ümummilli Lider Heydər Əliyevin anadan olmasının 100 illik yubileyi”nə həsr olunmuş  atçılıq idmanı (maneələri dəfetmə) üzrə Bakı şəhər turniri keçirilmişdir. 120 – 140 sm hündürlükdə maneələri dəfetmə üzrə yarışda I yeri Tibet ləqəbli atla Leyla Mirzəyeva, II yeri Şahzadə ləqəbli  atla Məhəmməd İmanov, III yeri Purpur ləqəbli atla Zümrüd Həsənova  tutmuşlar.

Yarışda Bakı şəhər Gənclər və İdman Baş İdarəsinin rəis müavini Aydın Yusifov  və RAMBİOEUGİM-nin direktoru İlhamə  Şərifova idmançıları salamlayaraq  onlara gələcək yarışlarda müvəffəqiyyətlər arzulamışlar.

Qaliblər Bakı Şəhər Gənclər və İdman Baş İdarəsi tərəfindən  müvafiq dərəcəli diplom və medallarla təltif edilmişlər.