Bakı Şəhər Gənclər və İdman Baş İdarəsinin təşkilatçılığı ilə Müdafiə Nazirliyinin “N” saylı hərbi hissəsində Ümummilli Lider Heydər Əliyevin 100 illik yubileyinə   həsr olunmuş tədbir keçirilib. Dövlət himninin səsləndirilməsindən sonra Ulu Öndərin xatirəsi bir dəqiqəlik sükutla yad edilib.

Tədbirdə çıxış edənlər Ümummilli Lider Heydər Əliyevin Azərbaycan dövlətçiliyi tarixində gördüyü işlərdən, müstəqillik dövründə xalqın xilaskarı kimi ölkəni çətin vəziyyətdən çıxarmasından, müstəqil Azərbaycan dövlətinin inkişafında göstərdiyi xidmətlərdən danışıblar.

Çıxışlardan sonra əsgər və zabitlər arasında  “Breyn-ring” intelektual oyunu keçirilmışdır.  Suallar Azərbaycan hərb tarixinə və Ümummilli Lider Heydər Əliyevin həyat və fəaliyyətinə aid edilmişdir.

Sonra “Breyn-ring” intelektual oyunda və  hərbi xidmətində fərqlənmiş bir qrup əsgər və zabitə diplom,  fəxri fərman və hədiyyələr təqdim olunub. Tədbir incəsənət nümayəndələrinin konsert proqramı ilə davam edib.