Atletika üzrə Bakı yay birinciliyinin qalibləri müəyyənləşib

Azərbaycan Dövlət Bədən Tərbiyəsi və İdman Akademiyasının stadionunda keçirilən atletika üzrə 2008 – 2009 -cu il təvəllüdlü idmançılar arasında Bakı şəhər yay birinciliyinin qalibləri müəyyənləşib. Bakı Şəhər Gənclər və İdman Baş İdarəsinin təşkilatçılığı ilə keçirilən yarışda atletlər qaçış, tullanma və atma növlərində qüvvələrini sınayıblar.

Yarışda paytaxtın 8 komandasından 124 atlet birincilik uğrunda mübarizə aparıb.

Oğlanlar arasında uzunluğa tullanma yarışında Abdulla Əliyev,  lovhə atmada Furqan Bünyadov, yadro itələmədə Fərhad Quliyev  qalib adını qazanıblar. Qızların yarışında  uzunluğa tullanmada Mehri Nadirova, hündürlüyə tullanmada Ummehan Durmuş, yadro itələmədə isə  birinci yerə layiq görülüblər.

Oğlanlar arasında qaçış yarışlarında Həmid Nəbiyev (100 m), Əmir İsmayılov (200 m), Nihat Tağıyev (400 m, 800 m), Nihat Qafarov (1500m), Əmir İsmayılov (sədlərlə qaçış), 5 №li İOEUGİM PHŞ-1 komandası (estafet qaçışı 4×100) birinci olublar. Qızların mübarizəsində isə Sofiya Kərimova  (100 m), Nurlana  Adıgözəlova (200 m, 400 m), Nila Heydərova (800 m), Rekord İK-1 komandası (estafet qaçışı 4×100) fəxri kürsünün ən yüksək pilləsinə qalxıblar.

Qaliblər diplom və medallarla təltif olunublar.