Qılıncoynatma üzrə  Bakı şəhər çempionatı başa çatmışdır

Azərbaycan Texniki Universitetinin idman sarayında keçirilən qılıncoynatma üzrə  Bakı şəhər çempionatı başa çatmışdır.

Bakı Şəhər Gənclər və İdman Baş İdarəsinin təşkilatçılığı ilə keçirilən  birincilikdə 101 idmançı mübarizə aparmışdır.

Nəticələrə əsasən oğlanların yarışında sablya üzrə Saleh Məmmədov, şpaqa üzrə Səid Əliyev birinci yerləri tutmuşlar. Qızlar arasında yarışlarda isə birinci yerlərə Zərifə Hüseynova, Xədicə Həsənli layiq görülmüşlər.

Qaliblərə  müvafiq dərəcəli diplom və medallar təqdim olunmuşdur.