Vətən Müharibəsi şəhidi Mehdi Fərzullazadənin xatirəsinə həsr olunmuş Yunan-Roma güləşi üzrə ənənəvi respublika turniri keçirilib.

27 iyul tarixində Suraxanı Rayon 208 saylı tam orta məktəbdə, Bakı Şəhər Gənclər və İdman İdarəsinin və Suraxanı Rayon İcra Hakimiyyətinin təşkilatçılığı ilə Vətən Müharibəsi şəhidi Mehdi Fərzullazadənin xatirəsinə həsr olunmuş Yunan-Roma güləşi üzrə ənənəvi respublika turniri keçirilib.

Yarışdan öncə şəhidin məzarı ziyarət olunub.

Turnirin açılış mərasimində YAP Suraxanı Rayon təşkilatının sədri  Vüqar Seyidov,  Suraxanı Rayon İcra Hakimiyyəti Başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Elmar Hüseynov, BŞGİİ idman sektorunun müdiri Rəşad Əliyev, şəhidin valideynləri, şəhid anaları və rayon ictimaiyyətinin iştirakçıları, şəhidin döyüş yoldaşları  iştirak edib.

BŞGİİ-nin idman sektorunun müdiri Rəşad Əliyev turnir iştirakçılarına uğurlar diləyib. YAP Suraxanı Rayon təşkilatının sədri  Vüqar Seyidov bu kimi turnirlərin əhəmiyyətindən danışaraq ərazi bütövlüyümüz uğurunda şəhid olmuş həmvətənlərimizin xatirələrin əbədiləşdirilməsi, gənc nəslin vətənpərvər ruhda böyüməsinin əhəmiyyətini turnir iştirakçılarının nəzərinə çatdırıb. Daha sonra şəhidimizin anası Elvira  xanım Fərzullazadə çıxış  edib. YAP Suraxanı Rayon təşkilatın sədri  Vüqar Seyidov turnirdən xatirə diplomuna şəhidin anasına təqdim edib.

200 idmançının iştirakı ilə keçirilən yarışda gərgin və maraqlı güləş yarışları keçirilib.

Medal sayına görə:

l   yer Zəngilan komandası

ll  yer Neftçi komandası

lll yer Sabirabad komandası layiq görülüb.

Turnirin qalibləri Bakı Şəhər Gənclər və İdman İdarəsinin diplomları, medal, kubok və qiymətli xatirə hədiyyələri ilə təltif olunub.

Qeyd edək ki, Vətən Müharibəsi şəhidi Mehdi Fərzullazadə “Vətən uğrunda”, “Xocavəndin azad olunmasına görə”, “Füzulinin azad olunmasına görə” medalları ilə və 3-cü dərəcəli “Vətənə Xidmətə görə” ordeni ilə təltif olunmuşdur.