26 iyul- Gənclər və İdman Nazirliyinin yaranmasının 29 ili münasibətilə “Güc və intellekt” adlı intellektual oyun keçirilib..

25 iyul 2023-cü il tarixində 26 iyul- Gənclər və İdman Nazirliyinin yaranmasının 29 ili münasibətilə rayon idmançıları və idmansevərləri arasında “Güc və intellekt” adlı intellektual oyun keçirilib.

Tədbir Azərbaycan Respublikasının Dövlət Himninin oxunması ilə başlayıb. Daha sonra Azərbaycanın müstəqilliyi, ərazi bütövlüyü uğrunda canlarını fəda etmiş şəhidlərin ruhu bir dəqiqəlik sükutla yad edilib.

Tədbiri açılış nitqi ilə Bakı Şəhər Gənclər və İdman İdarəsinin Qaradağ rayonu üzrə gənclər və idman sektorunun müdiri Elçin Abbasov açaraq, ölkə gənclərini vahid təşkilat ətrafında toplamaq, gənclərin qarşısında duran məsələlərin istiqamətlərini müəyyənləşdirmək və eyni zamanda gənclərin potensialından düzgün istifadə etmək məqsədilə 26 iyul 1994-cü ildə Ümummilli Lider Heydər Əliyevin müvafiq sərəncamı ilə Gənclər və İdman Nazirliyi yaradıldığını qeyd edib.

İntellektual oyun, münsiflər heyəti tərəfindən olimpiadanın qayda və şərtləri izah olunduqdan sonra başlayıb.

Bədən tərbiyəsi və idman sahəsini, beynəlxalq olimpiya hərəkatını əhatə edən suallara verilən cavabların ümumi yekun nəticəsinə əsasən qaliblər Bakı Şəhər Gənclər və İdman İdarəsinin diplomları və medalları ilə mükafatlandırılıblar.

Fəqlənməyə görə də iştirakçılara diplomlar təqdim edilib.