Binəqədi rayonunda 26 iyul-Gənclər və İdman Nazirliyinin yaradılması münasibətilə gənclərlə görüş keçirilib.

25 iyul 2023-cü il tarixində Binəqədi rayonunda Bakı Şəhər Gənclər və İdman İdarəsinin təşkilatçılığı ilə 26 iyul-Gənclər və İdman Nazirliyinin yaradılması münasibətilə gənclərlə görüş keçirilib.

Tədbirdə Bakı Şəhər Gənclər və İdman İdarəsinin(BŞGİİ) Binəqədi rayonu üzrə gənclər və idman sektorunun müdiri Namiq Tarverdiyev, idarə əməkdaşları, müəllimlər, fəal gənclər və idmançılar iştirak edib.

Dəyirmi masanı açılış nitqi ilə BŞGİİ-nin Binəqədi rayonu üzrə sektor müdiri Namiq Tarverdiyev açaraq 1994-cü il iyul ayının 26-da Ulu Öndər Heydər Əliyevin ölkə gənclərinin vahid təşkilat altında birləşdirmək məqsədilə Gənclər və İdman Nazirliyinin yaradılması haqqında sərəncam imzaladığını iştirakçıların nəzərinə çatdırıb.

Daha sonra tədbirdə rayonun 314 nömrəli tam orta məktəbin Tərbiyə işləri üzrə direktor müavini Sara Babayeva, məşqçi müəllim Abdullazadə Abdulla, fəal gənclərindən Aydan Hüseynzadə, Hüseynov Hüseyn çıxış edərək yaradılan şəraitə görə Bakı Şəhər Gənclər və İdman İdarəsinə öz minnətdarlıqlarını bildirib və Gənclər və İdman Nazirliyinin yaradılması münasibətilə gəncləri təbrik ediblər.

Sonda bir qrup fəal gənclərə və idmançılara Bakı Şəhər Gənclər və İdman İdarəsinin diplomları təqdim olunub.