Avarçəkmə üzrə Bakı çempionatı keçirilib.

14 iyul 2023-cü il tarixində Bakı Şəhər Gənclər və İdman İdarəsi və Azərbaycan Kanoe və Avarçəkmə Federasiyasının  birgə təşkilatçılığı ilə avarçəkmə üzrə Bakı çempionatı təşkil olunub. Dənizkənarı milli park ərazisində, “Milan Expo”nun qarşısında keçirilən çempionatda paytaxtla yanaşı Mingəçevirdən olan 70-ə yaxın yeniyetmə və gənc avarçəkən iştirak edib. İdmançılar avarçəkmənin akademik, kayak və kanoe növlərində mübarizə aparıblar. Bakı çempionatı bir gün davam edib.