“31 dekabr Dünya Azərbaycanlılarının Həmrəylik Günü”nə həsr olunmuş ənənəvi futzal turnirinin təltifetmə mərasimi keçirilmişdir.

      Bakı şəhər Gənclər və İdman Baş İdarəsi və Alman-Azərbaycan Cəmiyyəti tərəfindən 26 dekabr 2012-ci il tarixdə “Kopellhaus”da “31 dekabr Dünya Azərbaycanlılarının Həmrəylik Günü”nə həsr olunmuş ənənəvi futzal turnirinin təltifetmə mərasimi keçirilmişdir. Bu turnir 1999-2000-ci il təvəllüdlü idmançılar arasında keçirilmişdir. Tədbirdə Bakı şəhər Gənclər və İdman Baş İdarəsinin rəis müavini Rəşad Əliyev, sektor müdiri Adil Ağayev, Alman-Azərbaycan Cəmiyyətinin sədri Cingiz Abdullayev,  veteran futbolçu, Əməkdar Bədən Tərbiyəsi və İdman xadimi, professor Ələkbər Məmmədov və veteran futbolçular iştirak etmişlər. Tədbirdə çıxış edən qonaqlar ölkə başçısı İlham Əliyevin sərəncamı ilə təsdiqlənmış “Azərbaycan Respublikasında 2005-2015-ci illərdə Futbolun İnkişafına dair Dövlət Proqramı”nın əhəmiyyətini yüksək qiymətləndirmışlər və yeniyetmə futbolçulara uğurlar arzulamışlar.
Sonra turnirin qaliblərinin mükafatlandırma mərasimi başlamışdır. Tədbirdə 1999-2000-ci il təvəllüdlu idmançılar arasında I yeri “Rəvan” komandası, II yeri “BİFM” komandası və III yeri tutmuş “Biləcəri” komandaları mükafatlandırılmışlar.

  Tədbir bədii hissə ilə davam etmişdir.